Zamanın hər millihadisəsinin necə keçdiyini görürəm qardaş. Bütün
yaşanması mütləq hər şey, bəlkə də başqalarının yada məndən əvvəlki yaşayan mənin,
təkrarlarından başqa bir şey deyil. Günəş bu günkü tək öz hökmünü həmişə
qoruyar yəqin. Ən çox halına acıdığım kəpənəklərdi – ömrü qısa, səsi belə yox,
zəyifliyinə zəriflik deyib ən aciz varlıqdı bəlkə, yerləşdiriblər zirvələrə...
Yuxarılarda yerim olsaydı, bütün buludların üzünün suyunu tökərdim.
Gəncliyimdən gedir söhbət. Hər saniyəsini saniyəsinə calaq edib, dəqiqələşdirib
saat edib, “birlərini” müəyyən bir məbləğə başqalarına kirayə verdiyim gəncliyim...
Bizi ulduzlardan məhrum edirlər bacı. Gecələri həyatın dadını bir təhər yorğan
altında öldürməyə çalışırıq. Bütün riyazi düsturlar bizim üçün üçbucaqlaşıb –
"edə biləcəklərimiz", "edə bilməyəcəklərimiz", "istəsəklərimiz"...
Həyatımızdaki hər çətinliyə dözmək üçün var əslində, qısa formada
yaşanan yaxşı şeylər. Biz "olacaqları" "olmayacaqların"
yeri ilə dəyişməyə qadir deyilik. Gəmilərin hamısının burnu dənizlərdə, həmişə
üfüqdəki liman adlanan sahillərə yönəlir şərtsiz. Gəmim olmazmıki, istiqamətsizliyin
kompasına tabe olsun tək səfərlik. Geri dönüşü olmayan yol... Hər hansısa liman
ürəyimdəki istilik üçün doğmalaşsın istəmirəm.
Uçurtmaların hamısı süzülür küləyin vəhşiliyində.
Elə bil "azadam" kimi gəlir hərdən mənə. Gəlməsi belə, bəs edir bəzən
ancaq, bütün uçurtmaların yerdə bir ipi olur. Təmənnasız bir tək yağışı gördüm
insanlara paxıllıq etmir. Onuda çətiraltı ibnələrdi gəzişir altında, niyə
yağdığını belə soruşmadan, niyə yağdığını bilmədiyini zənn etdikləri yağışdan...
Fəsillərin hər birində bir sirr görmüş
adamam və mənə ancaq bahardan danışırlar. Mən isə son baharın nə demək istədiyindən
söhbət açdım, heç kim başa düşmədi qaçdı. Əslində sonun olduğunu bizə dəfələrlə
həyatımız boyu başa salır bütün fəsillər - təkrar və təkrar təkrarlayaraq öz
sonlarını...
İnsanları tərəziyə qoydum. Ölçü vahidi
olaraq birdə bir ovuc torpaq. O torpaq ki insanın başına açmadığı qalmayıb
oyun. Bir insan, iki insan və hətta ən sonda hamını yığdım o tərəziyə, özümü də
üstəgəl. Bir ovuc torpaq qarşısında o bədənlər, o sümüklər, ətlər...
Tanrını- o dəcəl uşağı çağırdım... Səsi gəlmədi.
Danladım onu, öz içimdə hər gün onu intihara aparacaq cümlələrin düsturunu
yazdım, pozdum. Onunla sakitləşib, onunla ən pis addımların məqsədlərini
araşdırdım. O yenə “ədalət mənəm” deyib məni, bir uşağın başını oyuncaqla qatan
kimi, aldatdı.
Nə qədər sevmirəmsə onu o qədər çox sevir
məni, sayır, hörməti artıq olsun. Kim olur olsun olmayan bir tanrıdı o,
varlığını kiçik hərflərlə yazsam belə. Çoxuna lazımdı, ancaq kimsənin nə olduğunu
bilmədiyi və yaxşı bilmədiyi insanlarının başının bəlası...
Mən abzurt zaman zəncirinin bir neçə
halqasıyam bəlkə. Varlığım mənasız bir boşluğa xitabən hazırlanıb – səliqəsizcə.
Qanadlarında minlərcə incə naxışın izi ilə, dəyəri zamanın qarşısında acizləşdirilmiş
bir kəpənək qədər ola bilmək arzusunda olan bir cansızam. Hər hansısa bir bulud
– bu günə qədər axan bir - iki damcı gözyaşımdan buxarlaşıb, bilirəm. Gəncliyimin
piyadası... Toplananların yeri dəyişdikdə dəyişməyən "olmazlar" mənəm.
Deyil üçbacağın özü, üçbucağı tanrıya vəd edən mənəm. Göyün üzündə ipsiz
uçurtma, dənizin ortasındaki üzməyən gəmi, fəsillərin illərdir torpağına
yağdırmadığı yağışın intizarının, bütün hissizliyi mənim sözlərimdi...
Tanrılaşdırıb özümü tanrını öz saltanatından
endirəcəm, torpağın hökümünə iman edib. Onun səsizliyinin bütün ritimlərində məna
ola bilməz deyib, əgər səssizlik ölümdən daha betər deyilsə deyən adam...
"Tutma
zülmət gecəni əllərinlə,
Soyuğu
çək, qaranlığı çək,
Yada
nə görmürsən onu çək.
Büsbütün
susdur içindəki səsi!
Ruhunun
qarşısında az əyil!
Dözmə
həyatsızlığa bu qədər həvəslicə!
Səni
yaradan səndən yaxşı deyil...
Ölümün
nə gücü var heçlik qarşısında? -
Tanrının
dini səssizlik, özü heçlik isə"?...
Elcan Hidayet
Hiç yorum yok:
Yorum Gönder
Neyin neysiyle konuştuğunuzu unutun