küskün

Dəyərli və Xüsusi insan Raciyə Zeynallı'n rənglərinə xitabən
Sevgilərlə...

Dünənə bu günümdən,
Yarım bir yuxu kimi
Qaydasız qaçıb gedən...

Fəsillərin hər birindən
Ancaq bahar arzulayan
Digər hamısına küsən -
Ey sevgili, sevişdiyim qız!
Belə təmənnasız
Hansı bədənə tələsirsən?!

Sehirbazın sirrlərini oğurlayıb -
Nəfəsindən nəfəs aldığım.
Məktubumu da cibinə atıb...

Gələcəyimə adını yazıb axtardığım iz,
Bu gecə sabah olmadan
Sənsiz -
Dolmaz kitabın o ağımtıl səhifələri.
Yazdığımda küsər köçər misralarımdan.

Bir ögeylik hiss etməz qanan hisslərimdə...

Məndən kənara addım atdın
Mənim qürursuzluğum.
Artıq quşlar uçuşmaz bağçalarımdan...

Dirə qəlbimə lüləsini, yoxluğunun!

Elcan Hidayet