Əfəndiyeva Bənövşə xanıma xitabən
…və başlanğıclara dur dedi adam...
fəzanın
ulduzlarını topalayıb
qayıtdı, yaxına
qoydu külqabını.
içinə qısılan
soyuğa bir kibrit yandırdı.
təkliyinə bir “whiskey” daha
süzdü,
içdi yenə, çəkdi
yenə dumanlanıb.
ixtiyarsız bir
səsə qıvrılır dözümü.
"elə bil nə
vaxtsa olmusan" deyir kimsə.
kiməsə olmuş
birini canlandırır özü –
susmaq qədər
sükut dolu birinə.
dəcəl uşaqların
səsinə həsrətdi bu ev,
dəli – dolu bir
xasiyyətin kimsəsizliyinə küsmüş mən...
kimi çayımın
ikinci stəkanına dəvət etsəm
sən illər sonra
niyə ağlıma gəlirsən?..
üzümdə izi
qalan utanmasız baxışla
nə vaxt yağışla
düşsəm meşələrinə,
sənin
budaqlarında quşlar oxuyardı –
yastığıma
küsdüyüm o mərhəmətsiz gecələrdə.
yastığımda
unutduğun gecənin,
yoxsul bir
insanın ümidi qədər şansı qalıb
bizi yaşatmağa,
görməmiş kimi...
sevginin nə dərdi
var nə dərmanı,
nə də dünəndən
gətirdiyi gələcək üçün pay.
sıfırdan
başlamalar bağlasın qapısını,
heç bir sevişmə
bir vidadan uzun deyil.
tüstüsünün rəngindən
hisslər bilinməz.
bu nə paltar
deyil, nə ayaqqabı –
...kimi dəyişməz,
...kimi alınmaz!
od yanar və sönər
–
...kimi su,
...kimi torpaq, ...kimi qum.
bəlkə də boş
qalmaz bu külqabı
ancaq,
açar yenə
baharda hissiz çiçəklər!
Elcan Hidayet
Elcan Hidayet
Hiç yorum yok:
Yorum Gönder
Neyin neysiyle konuştuğunuzu unutun